2-წლიანი მატების შემდეგ, წელს ქვეყანაში რძის წარმოებამ ისევ კლება დაიწყო.
საქსტატის წინასწარი მონაცემებით, 2023 წლის I კვარტალში რძის წარმოებამ 105.7 მილიონი ლიტრი შეადგინა, რაც წინა წლის ანალოგიურ მაჩვენებელზე 5.8%-ით ნაკლებია.
ხორცის წარმოება, პირიქით, მეორე წელია ზრდას განიცდის და პირველ კვარტალში 18.1 ათასი ტონა შეადგინა, რაც 2022 წლის შესაბამის პერიოდის მაჩვენებელზე 8.4%-ით მეტია.
გაზრდილია კვერცხის ოდენობაც. წელს, პირველ ოთხი თვის განმავლობაში, ქვეყანაში წარმოებულია 169.9 მილიონი კვერცხი, რაც წინა წლის ანალოგიურ მაჩვენებელს 2.7%-ით აღემატება.
