2022 წლის აგვისტოდან 2023 წლის მარტამდე, წინა წლების ანალოგიური პერიოდის საშუალო მოხმარებასთან შედარებით, ევროკავშირში ბუნებრივი აირის მოხმარება 17,7%-ით შემცირდა. განახლებული ინფორმაცია ევროსტატმა გამოაქვეყნა.
ბუნებრივ აირზე მოთხოვნის შემცირების კოორდინირებულმა ღონისძიებებმა, რაც რუსულ საწვავზე დამოკიდებულების კლებას ისახავდა მიზნად, შედეგი გამოიღო. შესაბამისად, შემცირებულია რუსული გაზის წილი მთლიან მოხმარებაში.
სტატისტიკამ აჩვენა, რომ 2022 წლის აგვისტოდან 2023 წლის მარტამდე პერიოდში, წინა ხუთი წლის იმავე პერიოდის საშუალო მაჩვენებელთან შედარებით, რუსული აირის მოხმარება15%-ით შემცირდა.
ევროკავშირის ქვეყნების უმრავლესობამ (გარდა ირლანდიის (-0,2%), სლოვაკეთის (-1,0%), ესპანეთის (-10,8%), პოლონეთის (-12,5%) და ბელგიის (-14.5%) მოხმარების 15%-ით შემცირებას მიაღწია.
მალტაში, რომელიც ევროკავშირის ქვეყნებს შორის გაზის ყველაზე მცირე მომხმარებელია, 12.7%-იანი ზრდა დაფიქსირდა. მოხმარება ყველაზე მეტად დაეცა ფინეთში (-55,7%), ლიეტუვაში (-40,5%) და შვედეთში (-37,2%).
2023 წელი მოხმარების კლებით დაიწყო: ბუნებრივი აირის მოხმარება 19%-ით შემცირდა იანვარში და 14.7%-ით – თებერვალში, ხოლო მარტში 17.1%-ით დაეცა.
