კვიპროსის უმსხვილესმა ბანკმა Bank Of Cyprus-მა რუს კლიენტებს უკვე აცნობა, რომ მათი ანგარიშები დაიხურება.
ბანკმა კლიენტებს მისწერა, რომ ანგარიშები შეტყობინების გაგზავნიდან ორი თვის განმავლობაში დაიხურება.
ბანკისთვის ანგარიშის გაუქმების საფუძველი გახდება რუსეთის რეზიდენტობა და რუსეთში სანქცირებული ბიზნესიდან შემოსავლის მიღება.
კვიპროსის ბანკის გადაწყვეტილება ბრიტანეთისა და აშშ-ის მიერ შემოღებულ სანქციებს უკავშირდება.
Bank Of Cyprus კვიპროსის უმსხვილესი ბანკია. გასული წლის მონაცემებით, რუსებს €700 ათასზე მეტი ჰქონდათ განთავსებული საბანკო დეპოზიტებზე, რაც 6%-ით მეტია წინა წელთან შედარებით. ამ ბანკში კვიპროსში მცხოვრები რუსების დაახლოებით 15%-ს აქვთ ანგარიშები, მათ შორის რუს ოლიგარქებს და მათი ოჯახის წევრებს.
