რუსეთის მიერ უკრაინაში გაჩაღებული ომი, რომელიც უკვე ერთ წელიწადზე მეტია გრძელდება, მნიშვნელოვან გავლენას ახდენს საქართველოს ეკონომიკაზე.
ინფორმაციის თავისუფლების ინსტიტუტმა (IDFI) ამ საკითხზე კვლევა ჩაატარა და ეს გავლენა ციფრებში ასე გამოიხატება:
- 2022 წელს საქართველოში მილიონ 460 ათასზე მეტი რუსეთის მოქალაქე შემოვიდა, რაც წინა წელთან შედარებით 5-ჯერ მეტია (თუმცა,19%-ით ჩამორჩება 2019 წლის მაჩვენებელს, როცა რუსეთის მიმართულებით პირდაპირი ფრენები იყო და პანდემიით გამოწვეული შეზღუდვები არ მოქმედებდა).
- 2022 წლის 9 თვეში საქართველოში დარჩა რუსეთის თითქმის 113 ათას მოქალაქე.
საბანკო ანგარიშები: უკრაინაში ომის დაწყების შემდეგ საქართველოს კომერციულ ბანკებში ანგარიში გახსნა რუსეთის 109 900-მა მოქალაქემ.
დეპოზიტები: 2022 წლის ბოლოს რუსეთის მოქალაქეების საქართველოს ბანკებში ანგარიშებზე 2,87 მილიარდი ლარი ჰქონდათ განთავსებული. ეს რიცხვი ომამდე 4-ჯერ ნაკლები იყო.
სამეწარმეო საქმიანობა: 2022 წელს რუსეთის მოქალაქეებმა საქართველოში 15 186 იურიდიული პირი დააფუძნეს.
მოქალაქეობა: 2022 წლის მარტი-ივლისის თვეებში საქართველოს მოქალაქეობა გამონაკლისის წესით რუსეთის 551 მოქალაქემ მიიღო. ამავე პერიოდში ბინადრობის ნებართვა რუსეთის 1598 მოქალაქეზე გაიცა.
ქორწინება: 2022 წლის 5 აგვისტომდე საქართველოს მოქალაქეების რუსეთის მოქალაქეებზე 806 ქორწინება დარეგისტრირდა.
ქონების შეძენა: 2022 წლის 9 სექტემბრამდე რუსეთის მოქალაქეებმა 15 164 შენობა-ნაგებობა (მათ შორის, 13 262 ბინა) და 13 850 მიწის ნაკვეთი შეიძინეს.
სკოლის მოსწავლეების რეგისტრაცია: ომის დაწყების შემდეგ საჯარო და კერძო სკოლებში 1841 მოსწავლე დარეგისტრირდა.
ეკონომიკა
ექსპორტი: 2022 წელს რუსეთში ექსპორტი 7%-ით გაიზარდა (2021 წელთან შედარებით) და $651 მილიონი შეადგინა.
იმპორტი: 79% -ით გაიზარდა იმპორტი და $1,8 მილიარდი შეადგინა.
ფულადი გზავნილები: 2022 წლის განმავლობაში რუსეთიდან გადმოირიცხა $2,07 მილიარდი, რაც 2021 წელთან შედარებით 4- ჯერ მეტია.
ტურიზმი: 2022 წელს რუსეთიდან მოგზაურობით მიღებულმა შემოსავალმა $891 მილიონი შეადგინა, რაც დაახლოებით 6-ჯერ მეტია წინა წლის მაჩვენებელზე და $115 მილიონით აღემატება 2019 წელს, როცა რუსეთთან პირდაპირი ფრენები იყო.
რუბლის ბრუნვა: 2022 წელს საქართველოში ვალუტის გადამცვლელმა პუნქტებმა იყიდეს 4,6 მილიარდი რუბლი და გაყიდეს 4,3 მილიარდი რუბლი. საქართველოში რუბლის ბრუნვა, წინა წელთან შედარებით, 3-ჯერ არის გაზრდილი.
