მარტში რუსეთის ფინანსთა სამინისტრომ ოქროს გაყიდვა დაიწყო ეროვნული კეთილდღეობის ფონდიდან (NWF), რომელიც რუსეთის პრეზიდენტის სურვილით შეიქმნა. ოქროს რეალიზაციით რუსეთი ბიუჯეტის დეფიციტის დაფარვას ცდილობს.
2023 წლის 1-ელი იანვრისთვის, რუსეთის კეთილდღეობის ფონდის ოქროს რეზერვი 554,91 ტონას შეადგენდა, 1-ელ თებერვალს 551,28 ტონას, 1-ელი მარტისთვის ოქროს მარაგი 539,25 ტონამდე იყო, ხოლო თვის ბოლოს 527,38 ტონამდე ჩამოვიდა. ფონდის მარაგს 3,6 ტონამდე ოქრო პირველად, იანვარში მოაკლეს.
ოქროს გარდა, ფონდში ამჟამად განთავსებულია 10,4 მილიარდი ევრო, 292,59 მილიარდი ჩინური იუანი, 140,7 მილიონი რუბლი.
მარტში ევროს, იუანისა და ოქროს რაოდენობა შემცირდა, ხოლო რუბლის რაოდენობა გაიზარდა 0,13 მილიარდით.
რუსეთის ფედერალური ბიუჯეტის დეფიციტი, 28 მარტის მდგომარეობით, 4 ტრილიონ რუბლს აჭარბებდა ($52 მილიარდი), რაც წლიურ გეგმაზე 2,93 ტრილიონ რუბლზე, გაცილებით მეტია.
რუსეთის ფინანსთა სამინისტროს ოფიციალური მონაცემებით, წლის დასაწყისში ბიუჯეტის შემოსავლები 25%-ით შემცირდა და 3,16 ტრილიონ რუბლს შეადგენს. ამასთან, ბიუჯეტის ხარჯები ერთ წელიწადში 52%-ით გაიზარდა, 5,74 ტრილიონ რუბლამდე. დეფიციტის ზრდა ძირითადად ნავთობისა და გაზის ექსპორტიდან მიღებული შემოსავლების შემცირებამ და ომის ხარჯების ზრდამ განაპირობა.
