რუსეთის მთავრობა იარაღისა და აღჭურვილობის წარმოების მნიშვნელოვან ზრდაზე აცხადებს. პრემიერ-მინისტრმა მიხაილ მიშუსტინმა განაცხადა, რომ გადაიხედა ძალოვანი სტრუქტურების რეალური საჭიროებები, განსაკუთრებით ჯავშანტექნიკის, ჩაფხუტების, პირველადი სამედიცინო დახმარების ნაკრების მიწოდების გაზრდის მიმართულებით. თავდაცვის ინდუსტრიის საწარმოები სამ ცვლაში მუშაობენ.
რუსეთის პრემიერის თქმით, დამატებითი ინვესტიციები იდება სამხედრო წარმოებაში, გაზრდილია სახელმწიფო დაფინანსების ოდენობაც.
ამასთან, მიშუსტინი ადასტურებს, რომ გარკვეულ პოზიციებზე შეიმჩნევა სირთულეები.
მისი თქმით, გამკაცრებულია სანქციები ხელშეკრულებების გაფორმებაზე უარის თქმის შემთხვევაში.
