რუსეთმა ნავთობის დღიური მოპოვების 500 000 ბარელით შემცირების გადაწყვეტილება მიიღო. ახალი ლიმიტი 2023 წლის ივნისამდე გაგრძელდება. ვიცე-პრემიერმა ალექსანდრე ნოვაკმა ეს გადაწყვეტილება ბაზარზე არსებული ვითარებით ახსნა. კერძოდ, ნავთობპროდუქტებზე მოთხოვნის კლებამ და ტრანსპორტირებაზე არსებულმა შეზღუდვებმა, რეალიზაცია შეამცირა.
თებერვლის დასაწყისში ნოვაკმა გამოაცხადა, რომ რუსეთმა, ნავთობის ფასზე ზედა ზღვრის დაწესების საპასუხოდ, გადაწყვიტა, მოპოვება მარტიდან ნებაყოფლობით შეემცირებინა. ეს გადაწყვეტილება მხოლოდ ნავთობს ეხებოდა.
ვიცე-პრემიერის თქმით, რუსული კომპანიები მოპოვებულ ნავთობს სრულად ყიდიან. ხოლო ლიმიტის შესახებ შემდგომ გადაწყვეტილებს ბაზარზე არსებული ვითარების გათვალისწინებით მიიღებენ.
