რუსეთი დასავლეთს დაემუქრა, რომ მთლიანად დაბლოკავს „მარცვლეულის დერეფანს“ უკრაინის პორტებიდან, თუ მისი მოთხოვნები არ დაკმაყოფილდება.
ამის შესახებ რუსეთის საგარეო საქმეთა მინისტრმა სერგეი ლავროვმა გუშინ, ანკარაში თურქეთის საგარეო საქმეთა მინისტრთან მოლაპარაკებების შემდეგ განაცხადა.
„თუკი რუსული სასუქებისა და მარცვლეულის ექსპორტზე დაბრკოლებები არ მოიხსნება, მაშინ ჩვენ ვიფიქრებთ, საჭიროა თუ არა ეს შეთანხმება“, – განაცხადა ლავროვმა.
საუბარია უკრაინის პორტებიდან მარცვლეულის ექსპორტის შეთანხმებაზე, რომელიც რუსეთსა და უკრაინას შორის, თურქეთისა და გაეროს შუამავლობით გაფორმდა. შეთანხმება უკრაინის შავი ზღვის სამი პორტიდან მარცვლეულის შეუფერხებლად გატანას გულისხმობს, რომლის მხოლოდ 60 დღით გახანგრძლივებას დათანხმდა რუსეთი 18 მარტს.
„ჩვენ გვაქვს ამის შესაძლებლობა თურქეთთან და კატართან. ჩვენი ექსპორტი ვაწარმოოთ ამ ქვეყნებში, რომლებსაც ეს სჭირდებათ. ჩვენ ვიმუშავებთ და არ დავზარალდებით“, – განაცხადა ლავროვმა.
