რუსეთის თავდასხმის შედეგად უკრაინის ინფრასტრუქტურაზე მიყენებული პირდაპირი ზარალი 2023 წლის აპრილის მდგომარეობით $147,5 მილიარდს აღწევს.
ზიანის ოდენობა პროექტის – რუსეთი გადაიხდის ექსპერტებმა დათვალეს.
მათი შეფასებით, საცხოვრებელი ინფრასტრუქტურისთვის მიყენებული ზარალის ოდენობა 2023 წლის თებერვალის შემდეგ $1,2 მილიარდით, $54,4 მილიარდამდე გაიზარდა.
დაზიანებული ან დანგრეულია 158 000-მდე საცხოვრებელი კორპუსი, მათ შორის კერძო, მრავალსართულიანი საცხოვრებელი სახლები და საერთო საცხოვრებლები.
ზარალის ოდენობით მეორე და მესამე ადგილზეა ინფრასტრუქტურისა და მრეწველობის სფეროები და საწარმოების ზარალი. ინფრასტრუქტურის ზარალი $36,2 მილიარდს შეადგენს, ხოლო განადგურებული ან დაზიანებული საწარმოების ზარალი $100 000-ით გაიზარდა და $11,4 მილიარდს აღემატება.
დაზიანებული და დანგრეულია 3,2 ათასი სასწავლო დაწესებულება.
კიდევ $200 მილიონით გაიზარდა ენერგეტიკული ინფრასტრუქტურის ზარალი და $8,3 მილიარდი შეადგინა.
განადგურდა ან დაზიანდა ჯანდაცვის 806 ობიექტი. ამ ინდუსტრიის ზარალი $2,7 მილიარდს აღემატება.
