NATO-ს გენერალური მდივანი იენს სტოლტენბერგი აცხადებს, რომ ალიანსი ფხიზლად ადევნებს თვალს, მაგრამ ჯერჯერობით არ შეუმჩნევია ბირთვულ იარაღთან დაკავშირებით რაიმე ცვლილება რუსეთის ქმედებებში.
„ჩვენ ყურადღებით ვადევნებთ თვალს იმას, რასაც რუსეთი აკეთებს. მაგრამ ამ მომენტში ჩვენ ჯერ არ გვინახავს რაიმე ცვლილება, რომელიც გვაიძულებს, შეცვალოთ ჩვენი ბირთვული პოზიციები“, – თქვა სტოლტენბერგმა ორშაბათს ბრიუსელში გამართულ პრესკონფერენციაზე.
მისი თქმით, ალიანსი უზრუნველყოფს შეკავებას და ნატოს მოკავშირეების დაცვას, „მონიტორინგს უწევს ყველაფერს, რასაც რუსეთი აკეთებს ბელორუსში ბირთვული იარაღის პოტენციური განლაგების თვალსაზრისით“.
სტოლტენბერგმა რუსული მხარის განცხადებას ბელორუსში ტაქტიკური ბირთვული იარაღის განლაგების შესახებ „უპასუხისმგებლო, საშიში ბირთვული რიტორიკა“ უწოდა. NATO-ს ხელმძღვანელმა განაცხადა, რომ რუსეთს ამ ნაბიჯით სურს, აიძულოს ალიანსის სახელმწიფოები და მისი პარტნიორები, შეწყვიტონ უკრაინის დახმარება და დასძინა, რომ ეს დახმარება გაგრძელდება.
