რომელია ბიზნესის დაფინანსებისთვის ოპტიმალური ვალუტა – მთავარი ეკონომისტის რჩევა

აშშ-ის არჩევნები და ლარი/ევრო/დოლარის სტრატეგია

ბიზნეს სტრატეგიის შემუშავებისას, დაფინანსების ოპტიმალური სავალუტო სტრუქტურის განსაზღვრა ერთ-ერთი ძირითადი საკითხია, – მიიჩნევს თიბისი კაპიტალის მთავარი ეკონომისტი.

მისი შეფასებით, ამ მხრივ, საქართველოში დაფინანსების დროს არჩევანი უმეტესწილად ლარი/ევრო/დოლარით შემოიფარგლება;

რა უნდა მივაქციოთ ყურადღება:

• გადაწყვეტილების მიღებისას, მნიშვნელოვანი არგუმენტებია, თუ რეალურად რა ვალუტაშია დენომინირებული კომპანიის აქტივები და შემოსავლები;

• ასევე, ხშირად უპირველესი ყურადღება ხარჯებს ეთმობა, საკუთრივ კი საპროცენტო განაკვეთებს შორის განსხვავებას;

• და არანაკლებ მნიშვნელოვანი, კონკრეტული ვალუტის მის ე.წ. წონასწორულ ნიშნულთან შედარებით გადახრაა;

• აღსანიშნავია, რომ თიბისი კაპიტალის ეს ჩარჩო საქართველოში პირველად ჯერ კიდევ 2019 წელს გამოქვეყნდა;

• კორპორატიული სექტორის მაგალითზე, წარმოდგენილი მიდგომის გათვალისწინებით, ვალის სავალუტო სტრუქტურაში ლარი/ევრო/დოლარის მხოლოდ ზომიერი ცვლილების შემთხვევაში, დღევანდელთან შედარებით ვალის ოდენობა დაახლოებით 25-35%-ით ნაკლები იქნებოდა;

• დავაზუსტებთ, არა იმიტომ რომ კომპანიები ნაკლებ ვალს აიღებდნენ, არამედ ეს საკმაოდ მნიშვნელოვანი შედეგი, სწორედ ლარი/ევრო/დოლარის წონასწორულ ნიშნულებთან შედარებით გადახრის გათვალისწინებით მიიღწეოდა;

• რა შეიცვალა ჩვენს გაანგარიშებებში აშშ დოლარის ბოლოდროინდელი გამყარების შემდეგ?

• ლარის კუთხით შეფასება დიდწილად ნეიტრალურია, ხოლო საშუალოვადიან პერიოდში ევროს გამყარება კვლავ საბაზო სცენარია;

• მიმდინარე საერთაშორისო განვითარების მხედველობაში მიღებითაც, მაღალი საპროცენტო განაკვეთების გათვალისწინებით, უზბეკური სომი კვლავ მიმზიდველია.