რიკოთზე ავტომანქანების გადაადგილების საათები იზრდება

რიკოთის გზაზე მსუბუქი ავტომობილებისთვის გადაადგილების წესები იცვლება. ახალ განრიგს საავტომობილო გზების დეპარტამენტი ავრცელებს.

17 ივნისიდან 3 საათით გაიზრდება რიკოთის საუღელტეხილო გზაზე, სურამის კვანძიდან ზესტაფონამდე, მსუბუქი და სამგზავრო ავტოტრანსპორტის გადაადგილების პერიოდი.

• მსუბუქი და სამგზავრო ავტოტრანსპორტი იმოძრავებს 06:00 საათიდან 21:00 საათამდე

• მისაბმელიანი და ნახევრად მისაბმელიანი ავტოტრანსპორტის გადაადგილება კი, დაშვებული იქნება ორმხრივად, 23:00 საათიდან 05:00 საათამდე.

შეზღუდვები რიკოთის საავტომობილო გზაზე აპრილიდან მოქმედებს, მას შემდეგ, რაც რიკოთის ფერდზე მიწის არამყარი მასა ჩამოიშალა.

ტრანსპორტის მოძრაობა აკრძალულ პერიოდში შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის გავლით ხორციელდება, რომელიც რამდენიმე ადგილზეა დაზიანებული, რაც მოძრაობას ართულებს და მის ხანგრძლივობას დაახლოებით 1 სთ-ით ზრდის.