შრომის ინსპექციის სამსახურმა შემოწმების შემდეგ შპს რეტროსა და შპს რესტრო 2-ს სამუშაო პროცესი შეუჩერა.
დღეს სამსახურის თანამშრომლები შესამოწმებლად შევიდნენ კომპანიის 3 რესტორანში თბილისსა და ბათუმში.
უწყების ინფორმაციით, ობიექტებში დაფიქსირდა უსაფრთხოების ნორმების დარღვევა და არასათანადო სამუშაო პირობები.
შესაბამისად, ობიექტებში სამუშაო პროცესი შეაჩერეს. მათ დამატებით 30 000 ლარის ჯარიმა დაეკისრათ.
შრომის ინსპექციამ კომპანიას დაავალა, სრულად აუნაზღაუროს თანამშრომლებს სახელფასო დანაკლისი, როგორც ზეგანაკვეთური, ასევე კუთვნილი შვებულების ფულადი ანაზღაურების სახით.
შრომის ინსპექციის სამსახურის ინფორმაციით, ისინი კომპანიიდან გამოთხოვილი დოკუმენტაციის შესწავლას აგრძელებენ.
უწყება რესტორნების ქსელში მას შემდეგ შევიდა, რაც კომპანიისა დამფუძნებელმა ერთ-ერთ მიმტანზე ფიზიკურად იძალადა. ამის გამო, რეტროს ქსელის დამფუძნებელი პოლიციამ გუშინ ღამით დააკავა.
