რესტორან რეტროში, რომლის მფლობელი გუშინ, 4 ივნისის ღამეს, ერთ-ერთი მიმტანის ცემის გამო დააკავეს, შრომის ინსპექცია შევიდა.
ამის გამო რესტორანი, რომელიც „აჭარული ხაჭაპურით” იყო პოპულარული, დღეს დილიდან დაკეტილია.
რესტორნის მფლობელი თეიმურაზ ვარშანიძე მას შემდეგ დააკავეს, რაც სოციალურ ქსელში გავრცელდა ვიდეო, სადაც ჩანდა, რომ ის მიმტანზე ფიზიკურად ძალადობდა.
რეტროს მფლობელს უკანონო მოპყრობაში სხვა თანამშრომელიც ამხელს. მარია ზოიძე, რომელიც ამბობს, რომ რესტორანში მენეჯერად მუშაობდა, თეიმურაზ ვარშანიძეს თანამშრომლების დამცირებასა და შეურაცხყოფაში ადანაშაულებს. ამის შესახებ მან სოციალურ ქსელში დაწერა და მიმტანზე ფიზიკური ძალადობის ვიდეო გაავრცელა.
