სილქნეტმა გასულ 2022 წელს 284.1 მლნ ლარის შემოსავალი მიიღო, რაც წლიურად 14.4%-იანი ზრდაა.
მაღალი შემოსავალი ძირითადად, მობილური ინტერნეტის მომგებიანობამ განაპირობა.
მიმდინარე წლის შემოსავალი 19%-იან წლიურ ზრდას აჩვენებს. პირველ კვარტალში 125.4 მლნ ლარის შემოსავალი მიიღო. კვარტალური ზრდა დიდწილად მისი მომსახურების ფასების მატებამ განაპირობა.
კომპანიამ შეინარჩუნა შემოსავლების ბაზრის წილი ძირითად სეგმენტებში, როგორიცაა ფასიანი ტელევიზია, მობილური და ფიქსირებული ფართოზოლოვანი ინტერნეტი.
ლარის კურსის მატებამ ხელი შეუწყო მომგებიანობის ზრდას, როგორც 2022, ასევე, წელს, პირველ კვარტალში.
სილქნეტი მიმდინარე წელს ელოდება დაბალ ორნიშნა შემოსავლის ზრდას, რაც განპირობებული იქნება მობილური კავშირგაბმულობიდან მიღებული შემოსავლით.
ზრდას ხელს შეუწყობს ციფრული სერვისების მზარდი გამოყენება სამუშაოდ და გასართობად, ელექტრონული კომერცია, სოციალური მედიის პლატფორმები და გარკვეულწილად ტურიზმის აღორძინება. ასევე გაიზრდება ფიქსირებული ფართოზოლოვანი და ფასიანი ტელევიზიის შემოსავლები.
კომპანია მიმდინარე წლის სრული შემოსავლის 13.7%-ით ზრდას ელოდება და ის 486.6 მილიონ ლარს მიაღწევს. EBITDA კი 322.9 მლნ ლარი იქნება.
