სენტიმენტების ცვლილება – ლარის გაუფასურების მიზეზი
მაისამდე ლარის დეპოზიტების ზრდა, სავალუტო შემოდინებებთან ერთად, ლარის გამყარებას უწყობდა ხელს. მაისში უკვე საპირისპირო ტენდენცია იკვეთება.
ჯერჯერობით, სესხების კუთხით ანალოგიური ინფორმაცია არაა გამოქვეყნებული, თუმცა TBC Capital-ის მთავარი ეკონომისტი ვარაუდობს, რომ მაისშიც სესხების ლარიზაციის მატებას ექნება ადგილი. ეს ფაქტორი, რასაც ე.წ. შოკის გამაძლიერებელი შეიძლება ეწოდოს, ლარის კურსზე მნიშვნელოვან ზეგავლენას ახდენს.
როგორ შეიცვლება ლარის კურსი?
მთავარი ეკონომისტის აზრით, ლარის კურსის გამყარების მოლოდინები შეიცვლება და სავარაუდოდ, უფრო ნეიტრალური განწყობებით შეიცვლება. მაგრამ მნიშვნელოვანი გაუფასურების მოლოდინები არ იკვეთება.
TBC Capital-ის შეფასებით, საშუალო კურსის გრძელვადიანი ტენდენციიდან და ინფლაციის პროგნოზიდან გამომდინარე, ლარის მცირე, თუმცა, მაინც გაუფასურებაა მოსალოდნელი.
TBC Capital ასევე მიიჩნევს, რომ თუ სავალუტო ბაზრის მონაწილეთა დიდი უმრავლესობა ლარის სეზონურ მერყეობას მოელის, მაშინ ლარის კურსის სეზონურობას ადგილი აღარ ექნება.
