ხვიჩა კვარაცხელია ერთ-ერთია 3 ფეხბურთელიდან, რომლის ყიდვას მადრიდის რეალი განიხილავს. ქართველ ფეხბურთელთან ერთად რეალი აკვირდება დორტმუნდის ბორუსიას ფეხბურთელს ჯუდ ბელინგემს და მანჩესტერ სიტის მოთამაშეს ჟოაო კანსელოს. მადრიდის კლუბის ბიუჯეტი სამივე ფეხბურთელისთვის ჯამში €300 მილიონი იქნება.
როგორც უცხოური პრესა წერს, ამ თანხიდან ესპანურ კლუბი კვარაცხელიასთვის მინიმუმ €100 მილიონის შეთავაზებას ვარაუდობს.
კვარაცხელიას წარმატებული სეზონი მადრიდის რეალს შეუმჩნეველი არ დარჩენია მსოფლიო ფეხბურთის ერთ-ერთი ყველაზე საინტერესო მოთამაშეს, 22 წლის ხვიჩა კვარაცხელიას, სერია A-ს პირველი სეზონის 28 მატჩში,13 გოლი აქვს გატანილი. იმის მიუხედავად, რომ ის უმეტესად ფლანგიდან თამაშობდა.
თუმცა, ნაპოლის კვარაცხელიას გაყიდვა არ უნდა. მას კლუბთან კონტრაქტი 2027 წლამდე აქვს გაფორმებული. როგორც კვარაცხელიას აგენტი მამუკა ჟუღელი ამბობს, კვარაცხელიას სხვა კლუბში გადასვლა ნაკლებადაა მოსალოდნელი. მიუხედავად იმისა, რომ ის მადრიდის რეალის ფანია. მისი თქმით, ხვიჩა ნეაპოლში თავს კარგად გრძნობს.
