რუსეთი მზად არის გაზარდოს ნავთობის ექსპორტი ჩინეთში, – ამის შესახებ ვლადიმერ პუტინმა ჩინეთის პრეზიდენტ სი ძინპინთან მოლაპარაკების შემდეგ განაცხადა.
„ჩინეთი გახდა ლიდერი რუსული ნავთობის იმპორტში. ამავდროულად, რუსეთი მზად არის გაზარდოს ნავთობის უწყვეტი მიწოდება ჩინეთის ეკონომიკისთვის“, – განაცხადა პუტინმა.
მან ასევე განაცხადა, რომ რუსეთი მზად არის გაზარდოს მარცვლეულის და ხორცის მიწოდება ჩინეთში.
ამავდროულად, ჩინეთში იზრდება რუსული გაზის ექსპორტიც. რუსულმა გაზპრომმა ბუნებრივი აირის ყოველდღიური მიწოდების ახალი ისტორიული რეკორდი დაამყარა.
რუსული კომპანიის ინფორმაციით, ამჟამად, Power of Siberia -ს გაზსადენით ჩინეთში აირის მიწოდება სახელშეკრულებო ვალდებულებებს აჭარბებს.
