პოლონელმა ფერმერებმა დღეს უკრაინასთან დამაკავშირებელი სარკინიგზო ხაზის გადაკეტვა სცადეს.
აქცია უკრაინის პოლიციამ დაშალა.
პოლონელი ფერმერები ცდილობდნენ, გზა გადაეკეტათ მარცვლეულისთვის, რომელიც უკრაინიდან პოლონეთში რკინიგზით შედის.
ფერმერები ამბობენ, რომ არ ენდობიან სოფლის მეურნეობის მინისტრის დაპირებებს, უკრაინული მარცვლეულის შეჩერების შესახებ, ამიტომ პროტესტის გამოხატვა გადაწყვიტეს.
ადგილზე მივიდა პოლიციის ათეული მანქანა, მესაზღვრეები და რკინიგზის დაცვის თანამშრომლები.
მანამდე პოლონეთმა, რუმინეთმა და ბულგარეთმა მიმართეს ევროკომისიას, დააწესონ გადასახადები უკრაინული მარცვლეულის იმპორტზე. თუმცა, ევროკომისიისგან უარი მიიღეს.
როგორც ცნობილია, პოლონური ბაზარი იაფი უკრაინული მარცვლეულით გადაიტვირთა, რამაც პოლონელ ფერმერებს რეალიზაციის პრობლემები შეუქმნა. ფერმერების მხრიდან უკმაყოფილების შემდეგ, უკრაინამ ახალ სეზონამდე ხორბლის, სიმინდის, რაფსის და მზესუმზირას ექსპორტი დროებით შეაჩერა.
მეზობელმა ქვეყნებმა ამ კვირის განმავლობაში ტრანზიტის ახალ წესებზე უნდა იმუშაონ.
უკრაინიდან მარცვლეულის იმპორტზე საბაჟო გადასახადი უკვე დააწესა უნგრეთმა. ასევე, შემოიღო რაოდენობრივი შეზღუდვები უკრაინიდან ნავთობისა და მარცვლეულის იმპორტზე.
