ევროზონაში აგვისტოში ბიზნეს აქტივობის ზრდას ხელი შეუწყო საფრანგეთმა, რომელიც ოლიმპიურ თამაშებს მასპინძლობდა. მაგრამ სავარაუდოდ, აქტივობა შენელდება პარაოლიმპიადის დასრულების შემდეგ, რადგან მომხმარებლების მხრიდან მოთხოვნა შემცირებული რჩება.
HCOB-ის(ჰამბურგის კომერციული ბანკი) შესყიდვების მენეჯერების ინდექსი(PMI), რომელიც შედგენილია S&P Global-ის მიერ და განიხილება, როგორც საერთო ეკონომიკური სიჯანსაღის მაჩვენებელი, აგვისტოში 51.0-მდე გაიზარდა ივლისში დაფიქსირებული 50.2-დან.
მოთხოვნა ევროპის 20 წევრიან სავალუტო კავშირში მესამე თვეა ეცემა. მომსახურების ბიზნესი არც მომავალ წელს უყურებს ოპტიმიზმით. ხოლო მთლიანად ევროზონის ბიზნეს სექტორის მოლოდინების ინდექსი 60.4-დან 59.1-მდე არის შემცირებული, რაც წელს ყველაზე დაბალი მაჩვენებელია.
საფრანგეთის მომსახურების სექტორს აგვისტოში ყველაზე მაღალი ზრდა ჰქონდა, ბოლო ორ წელზე მეტი ხნის განმავლობაში, მაგრამ ევროპის უდიდესი ეკონომიკის, გერმანიის მშპ-ს ზრდა ზედიზედ მესამე თვეა შენელებულია.
ეკონომიკურმა ინსტიტუტის IfW Kiel-ის პროგნოზით, მოსალოდნელია, რომ გერმანიის ეკონომიკა წელს 0,1%-ით შემცირდება.
Reuters-ის მიერ აგვისტოს თვეში გამოკითხული ეკონომისტების 80% ვარაუდობს, რომ ევროპის ცენტრალური ბანკი მონეტარული პოლიტიკის განაკვეთს წელს ორჯერ შეამცირებს, სექტემბერსა და დეკემბერში. გამოკითხული ეკონომისტების უმრავლესობა ასევე ელოდება, რომ ინგლისის ცენტრალური ბანკი ნოემბერში შეამცირებს საპროცენტო განაკვეთებს, თუმცა, ამავე დროს, ვარაუდობენ, რომ ბრიტანეთში ინფლაცია სამიზნე მაჩვენებელზე მაღალი დარჩება.
