ზაპორიჟიეს ატომური ელექტროსადგურის მომსახურებისთვის აუცილებელი ბირთვული ინჟინრების ნაკლებობის გამო და აგრეთვე, უკრაინის მხრიდან თავდასხმის შიშით, ოკუპანტები სადგურის თანამშრომლების დიდი ხნით მძევლად დატოვებას აპირებენ. ამის შესახებ ინფორმაციას კომპანია Energoatom-ის პრესსამსახური ავრცელებს.
რუსმა დამპყრობლებმა სადგურის ტერიტორიაზე უკვე შეიტანეს დიდი ოდენობით საკვები და წყალი.
კომპანია Energoatom აცხადებს, რომ სავარაუდოდ, ოკუპანტები ელექტროსადგურის თანამშრომლებს სამუშაო მორიგეობის შემდეგ სახლში არ გაუშვებენ და მათ იძულებით დატოვებენ
მსგავსი რამ ოკუპანტებმა უკვე განახორციელეს ჩერნობილის ატომურ ელექტროსადგურზე, როცა სადგურის თანამშრომლებს დაახლოებით ერთი თვის განმავლობაში არ უშვებდნენ სახლში და დეოკუპაციამდე მძევლად ჰყავდათ აყვანილი.
