იტალიის ჩემპიონატში ნაპოლის გამარჯვების აღნიშვნისას, ნეაპოლში დაუდგენელმა პირებმა ადგილობრივი მაფიის ბოსის – მაურისიო კონსტანცოს 26 წლის ვაჟი მოკლეს.
200-ზე მეტმა ადამიანმა კი სხვადასხვა სახის დაზიანება მიიღო.
კოსტანცოს პარასკევს ღამით ქალაქის მთავარ მოედანზე ესროლეს. ის ცეცხლსასროლი იარაღით მიყენებული ჭრილობებით საავადმყოფოში გარდაიცვალა. მაურისიო კოსტანცო ნეაპოლიტანური მაფიის კამორას ერთ-ერთ ბოსად ითვლებოდა.
ნეაპოლის პრეფექტმა კლაუდიო პალომბამ განაცხადა, რომ მკვლელობას კავშირი არ აქვს გამარჯვების აღმნიშვნელ დღესასწაულთან. სამართალდამცავები ახლა იძიებენ, ეს უბედური შემთხვევა იყო თუ მეტოქე მაფიოზური კლანის მიერ განზრახ ჩადენილი მკვლელობა.
ნეაპოლში ქუჩის დღესასწაულების დროს, რომელშიც ათიათასობით ადამიანი მონაწილეობდა, 200-ზე მეტი ადამიანი დაშავდა. მათ დაზიანებები მიიღეს ფეიერვერკებისგან, ცივი იარაღითა და ჩხუბის შედეგად. კრიტიკულ მდგომარეობაში საავადმყოფოში გადაიყვანეს 20 წლის გოგონა, რომელსაც მანქანა დაეჯახა.
33 წლიანი პაუზის შემდეგ ნაპოლი ხუთშაბათს, ფეხბურთში იტალიის ჩემპიონი მესამედ გახდა.
