Brent-ის ტიპის ნავთობის ფასი სამთვიან მინიმუმზეა. ბარელი Brent-ის ფასი $1,21- ით, ანუ 1,6%-ით დაეცა და ბარელზე $76,24 შეადგინა. აშშ-ის West Texas Intermediate(WTI) ნედლი ნავთობის ფიუჩერსები $1,20 -ით ანუ 1,7%-ით დაეცა და $70,13-ად იყიდება.
საწვავის ბირჟაზე იმოქმედა Credit Suisse-ის პრობლემებმა, რაც გლობალურ ბაზარზე ინვესტორების შეშფოთებას იწვევს. მათ ასევე, დაინახეს საფრთხე, რომ Silicon Valley Bank(SVB) -ის გაკოტრებამ და სხვა ამერიკული ბანკების აქციების ვარდნამ, შეიძლება გამოიწვიოს ფინანსური კრიზისი, რაც საწვავის მოთხოვნაზეც იმოქმედებს.
საბანკო არასტაბილურობამ გადაფარა ჩინეთის მხრიდან ნავთობზე მოთხოვნის ზრდა და გაძვირების ნაცვლად, საწვავის ფასი ქვემოთ წამოვიდა. საფინანსო ბაზარზე დოლარი ძლიერდება და აქციები სუსტდება, რაც უარყოფითად მოქმედებს ნავთობზე.
ბანკების ფაქტორი რომ არა, ნავთობი გაძვირდებოდა, რადგან 2023 წლის პირველ ორ თვეში ჩინეთში ეკონომიკური აქტივობა გაზრდილია. ეკონომიკას ბიძგი მისცა ჩინეთის მიერ Covid-19-თან დაკავსირებული შეზღუდვების გაუქმებამ.
