მსოფლიო ბანკი 2025 და 2026 წლებში მსოფლიო ეკონომიკის 2.7%-ით ზრდას ელოდება, რაც 0,3%-ით არის შემცირებული წინა პროგნოზთან შედარებით.
ეკონომიკური ზრდის პროგნოზის შემცირების მიზეზად ორგანიზაცია ასახელებს აშშ-ს მიერ იმპორტზე 10%-იანი ტარიფების შემორებას თუ მას სავაჭრო პარტნიორები საპასუხო ტარიფებს დაუწესებენ.
როგორც ცნობილია, დონალდ ტრამპმა, რომელიც თანამდებობას ორშაბათს იკავებს, გამოაცხადა, რომ დაბეგრავს იმპორტს, ასევე 25%-იან გადასახადს შემოიღებს კანადიდან და მექსიკიდან იმპორტზე, სანამ ისინი არ შეზღუდავენ ნარკოტიკებს და მიგრანტებს, რომლებიც კვეთენ აშშ-ს საზღვრებს. ტრამპი ასევე აპირებს 60%-იანი ტარიფის დაწესებას ჩინურ საქონელზე. ზოგიერთმა ქვეყანამ, მათ შორის კანადამ, განაცხადა, რომ მას სამაგიეროს გადაუხდის.
ამ გარემოების გათვალისწინებით, მსოფლიო ბანკი 2025 წელს გლობალური ეკონომიკური ზრდის 0,3 პროცენტული პუნქტით შეამცირებას ვარაუდობს.
იანვრის განახლების თანახმად, 2024 წელს გლობალური მშპ ასევე 2,7%-ით გაიზრდება.
ორგანიზაციის პროგნოზით, განვითარებადი ქვეყნების მშპ-ის ზრდა 2025 წელს 4.1%, ხოლო 2026 წელს – 4% იქნება.
როგორია მშპ-ს ზრდის პროგნოზი ქვეყნების მიზედვით
მსოფლიო ბანკის პროგნოზით, ჩინეთის მთლიანი შიდა პროდუქტის ზრდის ტემპი 2025 წელს შენელდება 4,5%-მდე 2024 წლის 4,9%-დან, ხოლო 2026 წელს 4%-მდე. მოსალოდნელია, რომ ჩინეთის ეკონომიკაში მოხმარება შემცირებული იქნება სუსტი შრომის ბაზრის, მომხმარების შემცირების და საბინაო ბაზრის ვარდნის გამო. თუმცა, პეკინის წახალისების პროგრამებმა შეიძლება მნიშვნელოვნად გაზარდოს მოთხოვნა, აღნიშნავს მსოფლიო ბანკი.
აშშ-ის ეკონომიკა 2025 წელს 2,3%-ით და 2026 წელს 2%-ით გაიზრდება. 2024 წელს, მსოფლიო ბანკის შეფასებით, აშშ-ის ეკონომიკა 2,8%-ით გაიზრდება.
2025 წელს ევროზონაში მშპ-ს ზრდის პროგნოზი 1%-ია, 2026 წელს კი – 1,2%. 2024 წელს, მსოფლიო ბანკის შეფასებით, ევროპის ეკონომიკა მხოლოდ 0,7%-ით გაიზრდება.
მსოფლიო ბანკის პროგნოზით, რუსეთის მშპ 2025 წელს 1,6%-ით გაიზრდება.
მსოფლიო ბანკის პროგნოზით, 2025 და 2026 წლებში მსოფლიოში საშუალო ინფლაცია 2,7% იქნება. მსოფლიო ვაჭრობის მოცულობა წელს 3.1%-ით, ხოლო მომავალ წელს 3.2%-ით გაიზრდება.
მსოფლიო ბანკის ექსპერტები თვლიან, რომ განვითარებადი ქვეყნები, რომლებსაც გლობალური ეკონომიკური ზრდის 60% უკავიათ, შეიძლება სერიოზული დაბრკოლებების წინაშე აღმოჩნდნენ მომდევნო ორი წლის განმავლობაში.
„გლობალური პოლიტიკის მაღალმა გაურკვევლობამ შეიძლება შეარყიოს ინვესტორების ნდობა და შეზღუდოს ფინანსური ნაკადები. სავაჭრო დაძაბულობის ესკალაციამ შეიძლება შეანელოს გლობალური ზრდა. მუდმივმა ინფლაციამ შეიძლება შეაფერხოს საპროცენტო განაკვეთების შემცირება“, – ნათქვამია მსოფლიო ბანკის ანგარიშში.
