მსოფლიო ბანკმა(WB) 2025 წლის საქართველოს ეკონომიკური ზრდის პროგნოზი გაზარდა.
WB-ის განახლებული პროგნოზით, საქართველოს ეკონომიკა წელს, 6%-ით გაიზარდება, ოქტომბრის ანგარიშში ნავარაუდევი 5,2%-ის ნაცვლად. ივნისში პროგნოზი 5%-ს შეადგენდა.
შეფასების თანახმად, მიმდინარე წელს მშპ-ს ზრდას ძირითადად განაპირობებს რეექსპორტი, ვიზიტორების შემოდინება და რეალური ხელფასის მატება.
რაც შეეხება 2024 წლის მშპ-ს მაჩვენებელს, მსოფლიო ბანკის შეფასებით, გასულ წელს საქართველოს ეკონომიკის ზრდამ 9% შეადგინა. ოქტომბერში ორგანიზაცია ვარაუდობდა, რომ 2024 წელს ეკონომიკური ზრდა 7,5% იქნებოდა.
ცნობისთვის ოქტომბერში, წინა გადახედვისას, მსოფლიო ბანკმა საქართველოს ეკონომიკური ზრდის პროგნოზი 5.2%-დან გაზარდა 7,5%-მდე.
ბანკმა 2026 წლის პროგნოზი უცვლელი დატოვა და ის კვლავ 5%-იან ეკონომიკურ ზრდას ვარაუდობს.
