წელს ბრინჯის გლობალურმა დეფიციტმა შეიძლება, 8,7 მილიონ ტონას მიაღწიოს, ასეთია Fitch Solutions-ის ანალიტიკოსების პროგნოზი. ეს იქნება ყველაზე დიდი დეფიციტი ბოლო 20 წლის განმავლობაში.
ბრინჯის მოსავლის შემცირება გამოწვეულია, არახელსაყრელი კლიმატური პირობებით მწარმოებელ ქვეყნებში, როგორიცაა ჩინეთი და პაკისტანი.
გარდა ამისა, ბრინჯი გახდა მარცვლეულის ძირითადი სახეობების ალტერნატივა მას შემდეგ, რაც მათზე ფასები მნიშვნელოვნად გაიზარდა. უკრაინაში კონფლიქტის დაწყების შემდეგ ბრინჯზე მოთხოვნა მკვეთრად გაზრდილია.
ბრინჯის გლობალური დეფიციტი აისახა მის ფასზე, რომელიც ბოლო ათი წლის მაქსიმალურ ნიშნულზეა.
ბრინჯის მომხმარებელი მსოფლიოში 3,5 მილიარდზე მეტი ადამიანია. მათი 90% აზია-წყნარი ოკეანის რეგიონში ცხოვრობს.
Fitch Solutions-ის ანალიტიკოსების პროგნოზით, წელს ბრინჯზე მაღალი ფასი შენარჩუნდება და გლობალური ბაზარი 2023-2024-ის სეზონზე, მოსავლის აღების შემდეგ დასტაბილურდება.
„ველოდებით, რომ 2023-2024 წლებში ბრინჯის წარმოება მნიშვნელოვნად აღდგება და 2,5%-ით გაიზრდება“, – ნათქვამია სააგენტოს ანგარიშში.
ანალიტიკოსები ასევე ვარაუდობენ, რომ 2024 წელს ბრინჯის საშუალო ფასი შესაძლოა, 10%-ით დაეცეს.
