2023 წლის 1 თებერვლისთვის მსესხებლების 11,6% -ს კომერციული ბანკებიდან აღებულ სესხზე ვადაგადაცილება უფიქსირდებათ. ამის შესახებ ინფორმაციას საკრედიტო საინფორმაციო ბიურო – კრედიტინფო საქართველო აქვეყნებს. სტატისტიკური მონაცემები აჩვენებს, რომ გასული წლის ანალოგიურ პერიოდში სესხი გაპრობლემებული მთლიანი მსესხებლების 12%-ს ჰქონდა.
საგულისხმოა, რომ შარშანდელთან შედარებით შემცირებულია ერთ თვემდე ვადაგადაცილებული სესხის ოდენობა, ხოლო 1 თვიდან 1 წლამდე ვადაგადაცილების მქონე სესხების ოდენობამ 2023 წლისთვის მოიმატა. თუ 2022 წლის თებერვლისთვის ასეთი სესხების ოდენობა თანხობრივ გამოსახულებაში 1,621 მილიარდი ლარი იყო, 2023 წლისთვის 2,114 მილიარდ ლარს უახლოვდება.
სულ 2023 წლის თებერვლისთვის კომერციული ბანკებიდან სესხი აღებული აქვს 1 929 349 პირს.
