რუსეთის ხელისუფლება კრემლზე დრონებით თავდასხმას „დაგეგმილ ტერორისტულ აქტად და რუსეთის ფედერაციის პრეზიდენტის სიცოცხლის მოსპობის მცდელობად“ აფასებს. ამის შესახებ განცხადება კრემლის პრესსამსახურმა გააკეთა.
პრეზიდენტის პრესსპიკერმა დიმიტრი პესკოვმა განაცხადა, რომ გუშინ ღამით, უპილოტო საფრენი აპარატით თავდასხმის დროს, პუტინი კრემლში არ იმყოფებოდა 3 მაისს რუსეთის პრეზიდენტი მოსკოვის მახლობლად მდებარე ნოვო-ოგარიოვოს რეზიდენციაში მუშაობს, თქვა პესკოვმა.
მანამდე კრემლმა განაცხადა, რომ 3 მაისის ღამეს ორმა უკრაინულმა უპილოტო თვითმფრინავმა კრემლის ვლადიმერ პუტინის რეზიდენციაზე თავდასხმა სცადა. მოხსენებაში ნათქვამია, რომ „სამხედრო და სპეცსამსახურების დროული ქმედებების შედეგად“ დრონები გაანეიტრალეს.
მოსკოვის მერმა სერგეი სობიანინმა მოსკოვში დრონების გაშვება აკრძალა.
