TBC Capital-ის მიერ ჩატარებულმა კვლევამ აჩვენა, რომ მიწის საშუალო შეწონილი ფასი საქართველოში ქალაქების მიხედვით საკმაოდ განსხვავებულია.
ყველაზე მაღალი ფასი მიწას, ბუნებრივია, თბილისში აქვს. 2022 წელს, მიწის საშუალო გასაყიდი ფასი დედაქალაქში $162-ს გაუტოლდა.
თბილისს მოჰყვება ბათუმი, სადაც კვადრატული მეტრის ფასი $126-ს შეადგენს.
მესამე ადგილზე გუდაურია $59 დოლარით.
ყველაზე დაბალი ფასები მიწას გორში, თელავსა და ზუგდიდში აქვს.
2022 წელს ამ ქალაქებში საშუალო ფასი $10-ზე ნაკლები იყო.
2022 წელს ქალაქების უმეტესობაში მიწის ფასების წლიური ზრდა დაფიქსირდა. მათგან ყველაზე მაღალი ზრდით გამოირჩეოდა ქუთაისი, სადაც 2021 წელთან შედარებით, საშუალო გასაყიდი ფასი 49%-ით გაიზარდა. თელავში 31%-იანი და თბილისში 24%-იანი ზრდა დაფიქსირდა.
