მთავრობა ქუთაისში, პარლამენტის ყოფილ შენობაში, ტექნოლოგიური ჰაბის განთავსებას აპირებს. ამის შესახებ დღეს პრემიერ-მინისტრმა ირაკლი ღარიბაშვილმა განაცხადა.
მისი თქმით, ტექნოლოგიური ჰაბის პროექტს ეკონომიკის სამინისტრო ამზადებს და ამის თაობაზე დეტალურ ინფორმაციას უახლოეს მომავალში წარმოადგენს.
„ქუთაისის პარლამენტის შენობა გვინდა გახდეს ტექნოლოგიური ჰაბი, აიტი სექტორში მომუშავე ახალგაზრდებისთვის და არა მხოლოდ, ეს უნდა იყოს მულტიფუნქციური, თანამედროვე, ტექნოლოგიური ქალაქი.
ამის პროექტს ვამუშავებთ, ძალიან მალე იქნება ამის პრეზენტაცია, დაელოდეთ. ეს ყველაფერი დროს მოითხოვს, ჩვენ ყველაფერს ვაკეთებთ შინაარსიანად“,- განაცხადა ღარიბაშვილმა.
