პრემიერ მინისტრის – ირაკლი ღარიბაშვილის განცხადებით, საქართველოს 11 მუნიციპალიტეტისა და კურორტის განვითარებისთვის ბიუჯეტიდან 200 მილიონი ლარი გამოიყო. ეს მუნიციპალიტეტებია: ბორჯომი, ბაკურიანი, ქუთაისი, წყალტუბო, თელავი, ზუგდიდი, ბათუმი, მცხეთა, სტეფანწმინდა, მესტია და ყაზბეგი.
„ვიწყებთ ქალაქების და კურორტების განვითარების მასშტაბურ 5-წლიან პროგრამას, ბიუჯეტიდან გამოიყოფა ერთი მილიარდი ლარი. ამ მიზნით უკვე გამოყოფილია 200 მილიონი ლარი, შერჩეულია 11 ლოკაცია…
სამუშაოებს მალე დავიწყებთ. შემუშავდება კონცეფციები და მუნიციპალური განვითარების ფონდი დაიწყებს მუშაობას ამ საკითხზე. მოეწყობა და განახლდება რეკრეაციული სივრცეები, შეიქმნება ტურისტული ატრაქციები და ა.შ. ჩვენი მთავარი ამოცანა უნდა იყოს, ქვეყანა გარდავქმნათ ევროპული ტიპის სახელმწიფოდ. ეს უნდა იყოს კარგად მოვლილი, განვითარებული, ლამაზი სახელმწიფო, ქალაქები, სოფლები – ეს არის ჩვენი გეგმა“, – განაცხადა პრემიერმა.
