ლიეტუვას პრემიერ-მინისტრმა ინგრიდა სიმონიტემ განაცხადა, რომ ვლადიმერ პუტინის უკრაინის ოკუპირებულ ტერიტორიებზე ვიზიტით რუსული პროპაგანდა ცდილობს, ის ვოლოდიმირ ზელენსკის შეადაროს.
„ეს არის რაღაც მცდელობა, წარმოაჩინონ, რომ ვლადიმირ პუტინი ცოტათი მაინც ჰგავს ვოლოდიმირ ზელენსკის, რომელიც მიდის ფრონტის ხაზზე, ხვდება ჯარისკაცებს ფრონტის ხაზთან ახლოს და ამით გამოხატავს მხარდაჭერას თავისი ჯარებისა და რიგითი უკრაინელების მიმართ. იბრძვის ამ ომში“, –განაცხადა სიმონიტემ.
მისი თქმით, რუსულ პროპაგანდას უნდა, პუტინის ვიზიტით უმოტივაციო რუსული არმია გაამხნევოს.
18 აპრილს რუსულმა პროპაგანდისტულმა მედიამ გაავრცელა ინფორმაცია, რომ რუსეთის დიქტატორი, სავარაუდოდ, ეწვია რუსეთის ჯარების შტაბს ხერსონისა და ლუგანსკის რეგიონებში. ამავდროულად, კრემლი შეეცადა, დაემალა ხერსონის რეგიონში პუტინის ვიზიტის რეალური თარიღი.
