ახალი ფუნქცია Twitter-ს მომავალ თვეში დაემატება. ის საშუალებას მისცემს მედიაგამოცემებს, მომხმარებლებს პოსტის წაკითხვისთვის საფასური გადაახდევინონ.
ილონ მასკის თქმით, ახალი ფუნქცია მომგებიანი იქნება როგორც მედიისთვის, ასევე მკითხველებისთვის, რომლებსაც არ სურთ ახალი ამბების მთელი თვით გამოწერა, მაგრამ ზოგჯერ, ცალკეული სტატიის წაკითხვა უნდათ.
ცოტა ხნის წინ, Twitter-მა ასევე, შეარბილა დარღვევისთვის ანგარიშების დაბლოკვის პოლიტიკა. თებერვლიდან სოციალური ქსელის მომხმარებლებს შეუძლიათ გააპროტესტონ ანგარიშის დაბლოკვა. ახალი კრიტერიუმების მიხედვით, Twitter-ზე ანგარიში მხოლოდ სერიოზული ან განმეორებითი დარღვევისთვის დაიბლოკება.
აპრილის დასაწყისში კი ცნობილი გახდა, რომ ილონ მასკმა შეზღუდვები მოხსნა რუსეთის სამთავრობო უწყებებისა და პროპაგანდისტების კუთვნილ ანგარიშებს. შესაბამისად, პუტინისა და რუსეთის საგარეო საქმეთა სამინისტროს ანგარიშებს მომხმარებლებს ყოველგვარი შეზღუდვის გარეშე სთავაზობენ.
