ევროკომისია €100 მილიონს გამოყოფს ევროპელი ფერმერებისთვის, რომლებიც იაფი უკრაინული მარცვლეულისს და სხვა აგრარული პროდუქტების იმპორტის შედეგად დაზარალდნენ. ამის შესახებ ევროკომისიის სპიკერმა ბრიუსელში 17 აპრილს გამართულ ბრიფინგზე განაცხადა.
ფინანსურ დახმარებას მიიღებს ევროპის 5 ქვეყანა – პოლონეთი, ბულგარეთი, რუმინეთი, უნგრეთი და სლოვაკეთი.
პოლონელი ფერმერები ამ თანხის თითქმის მესამედს – €30 მილიონს მიიღებენ.
ფინანსური დახმარების პირველი პაკეტი, რომელიც ევროკომისიამ მარტში დაამტკიცა, €56 მილიონს ითვალისწინებდა, მაგრამ ეს თანხა საკმარისი არ აღმოჩნდა და ევროპელი ფერმერების დასამშვიდებლად, რომლებიც იაფი უკრაინული პროდუქტის შეტანას აპროტესტებენ, მეორე პაკეტი მომზადდა.
როგორც ცნობილია, პოლონეთმა, უნგრეთმა და სლოვაკეთმა აკრძალა უკრაინული მარცვლეულისა და ათობით სხვა აგრარული პროდუქციის იმპორტი.
ევროკომისია მიუღებლად მიიჩნევს ამ ინიციატივებს.
