თურქული ლირა დოლართან მიმართებაში ახალ რეკორდულ მინიმუმამდე დაეცა, იმ დროს, როცა ქვეყნის პრეზიდენტი ერდოღანი არჩევნებში გამარჯვების შემდეგ თავისი ახალი კაბინეტის დაკომპლექტებას იწყებს.
ლირა კიდევ თითქმის 1.6%-ით გაუფასურდა და დოლართან მიმართებაში 20.75-მდე დაეცა.
ახლა ინვესტორების ყურადღება მიპყრობილია ერდოღანის მიერ ახალი კაბინეტის დანიშვნაზე, განსაკუთრებით იმაზე, ვის დანიშნავს ის ეკონომიკური ბლოკის მინისტრებად. ინვესტორებს აინტერესებთ, რა იქნება ეკონომიკური გუნდის პირველი ნაბიჯი.
თურქეთმა პირველ კვარტალში ეკონომიკური ზრდა აჩვენა, ხოლო ეკონომიკა გაიზარდა 4%-ით თებერვლის მიწისძვრების, მაღალი ინფლაციისა და გაზრდილი ცხოვრების ხარჯების გავლენის მიუხედავად.
