ლარის კურსი დოლართან და ევროსთან მიმართებაში დღეს კიდევ გამყარდა. 24 თებერვლის ვაჭრობის შედეგად, ერთი დოლარის ოფიციალური ღირებულება 2,6325 ლარია, ხოლო ერთი ევრო 2,7889 ლარი ღირს.
ამჟამად, ლარს დოლართან მიმართებაში ბოლო 4 წლის განმავლობაში ყველაზე მყარი კურსი აქვს.
ამაზე მყარი ლარი ბოლოს 2018 წლის 12 ოქტომბერს იყო, როდესაც ერთი აშშ დოლარის ფასი 2.6296 ლარს შეადგენდა. წლის დასაწყისიდან ლარი დოლართან მიმართებაში უკვე 2,6%-ით არის გამყარებული. პირველ იანვარს კურსი დოლართან 2.7020 ლარს შეადგენდა.
