TBC Capital-ის მთავარი ეკონომისტის შეფასებით, ნაკლებად არის მოსალოდნელი, რომ გამყარებული ლარი სამომავლოდ წმინდა სავალუტო შემოდინებებს შეამცირებს.
ეს არგუმენტი ლარის გაუფასურების საწინააღმდეგოდ იმუშავებს.
მთავარი ეკონომისტის პროგნოზით, ერთწლიან პერიოდში ლარი ძირითად უცხოურ ვალუტებთან მცირედით, მაგრამ მაინც დასუსტდება.
„მომდევნო, დაახლოებით 12 თვის პერიოდში, ლარის მართალია, შედარებით მცირედით, თუმცა, მაინც დასუსტება კვლავ საბაზო სცენარია. ასევე, ვინარჩუნებთ მოლოდინს, რომ ინფლაციის პროგნოზი ლარის კურსისათვის ნეიტრალური ან უფრო ნეგატიურია”, – აღნიშნავს თავის შეფასებაში TBC Capital-ის მთავარი ეკონომისტი.
