ტენდენცია, რომელიც ლარს უცხოურ ვალუტასთან ბოლო პერიოდში ახასიათებს, დღესაც შენარჩუნდა. ლარი ამერიკულ დოლართან მიმართებაში გამყარდა, ევროსთან კი გაუფასურდა.
დღევანდელი ვაჭრობის შედეგად, დოლარის მიმართ კურსის ცვლილებამ 0.47 თეთრი შეადგინა, რის შემდეგაც ამერიკული ვალუტის ოფიციალური ღირებულება 2.5851 ლარი გახდა.
ლარი ევროსთან მიმართებაში 0.56 თეთრით გაუფასურდა, რის შედეგადაც ერთი ევროს ოფიციალური ღირებულება 2.7697 ლარია.
ლარი გაუფასურდა ბრიტანულ ფუნტ სტერლინგთან – 1.71 თეთრით. ერთი გირვანქა სტერლინგის ფასი 3.1401 ლარს შეადგენს.
ლარი მცირედით გამყარდა თურქული ლირას მიმართ, რომლის კურსმა 13.62 თეთრი შეადგინა.
