ბიტკოინის ფასი $30 400-ს გადასცდა. ბოლო 10 დღეში მას უკვე 6% აქვს მომატებული, ერთ თვეში ზრდა 23%-ია.
კრიპტოვალუტის ფასის ზრდა ამჯერად , მოჰყვა აშშ-ში მარტის თვის სახელფასო მაჩვენებლების გამოქვეყნებას, სადაც დასაქმების მაღალი ტემპი დაფიქსირდა, რაც ეკონომიკის მდგრადობაზე მიუთითებს.
საბანკო სექტორში შექმნილი პრობლემები ზრდის ბაზრის მოლოდინს, რომ ფედერალური რეზერვი (Fed) გაზრდილ საპროცენტო განაკვეთს მოსალოდნელზე უფრო ადრე შეამცირებს.
კრიპტოვალუტის მიმართ ინტერესის ზრდაც Fed-ის მონეტარული პოლიტიკის მიმართ ტრეიდერების ოპტიმიზმს უკავშირდება.
ეთერიუმი, სიდიდით მეორე კრიპტოვალუტა, გასულ კვირას დაახლოებით რვა თვის პიკს მიუახლოვდა – $1,942.50.
კრიპტოინვესტორები მოუთმენლად ელიან ეთერიუმის ბლოკჩეინის განახლებას ამ კვირაში, რაც მათ საშუალებას მისცემს, $33 მილიარდზე მეტი ოდენობის ეთერიუმის ვალუტაზე ჰქონდეთ წვდომა.
