საქართველოს ეროვნული ბანკის მიერ გამოქვეყნებული მონაცემებით, მარტში საქართველოში მოქმედი კომერციული ბანკების აქტივების მოცულობა, წინა წლის ანალოგიურ პერიოდთან შედარებით (61,8 მლრდ ლარი) თითქმის 9%-ით გაიზარდა და 67,34 მილიარდ ლარს შეადგენს.
თუმცა, ამავდროულად, კომერციული ბანკების აქტივების მარტის მაჩვენებელი, თებერვალთან შედარებით (67,79 მლრდ ლარი), 451 მილიონი ლარით არის შემცირებული.
სტატისტიკა აჩვენებს, რომ კომერციული ბანკების აქტივების მოცულობა მცირდება დეკემბრის თვის შემდეგ, როცა აქტივების მოცულობამ რეკორდულ ნიშნულს – 70,35 მილიარდ ლარს მიაღწია.
მანამდე კი, 2022 წლის განმავლობაში, ბანკების საერთო აქტივები ყოველთვიურად საშუალოდ, 10 მილიარდ ლარზე მეტ ზრდას აჩვენებდა.
