კახოვკის წყალსაცავში წყლის დონის კლება გრძელდება. ერთი დღე-ღამის განმავლობაში ეს მაჩვენებელი თითქმის ერთი მეტრით შემცირდა. 8 ივნისს, 08:00 საათისთვის, ნიკოპოლის ტერიტორიაზე წყალსაცავში წყლის დონე 13,05 მ-ია.
ამავდროულად, სადგურის შენობასა და კაშხლის საკეტს შორის მიწის ჩამოშლა გრძელდება.
წყალდიდობის შესამცირებლად და ჰესის მუშაობის დასარეგულირებლად წყალი კახოვკის ჰესის ზემოთ დნეპრის კასკადის სხვა რეზერვუარებში გროვდება.
ამასთან, მუშავდება პროექტი კახოვკის წყალსაცავის კაშხლის აშენების მიზნით, რათა წყლის დონე საპროექტო დონეზე აღდგეს.
უკრაინა რუსეთის ფედერაციას კომპენსაციას მოსთხოვს კაშხლის ნგრევის შედეგად მიყენებული ზიანისათვის, რაც მილიარდობით დოლარს შეადგენს.
უკრაინის შსს-ის ინფორმაციით, საერთო ჯამში, დნეპრის მარჯვენა სანაპიროზე 20 დასახლებული პუნქტი დაიტბორა. 1900-ზე მეტი ადამიანის ევაკუაცია განხორციელდა, მათ შორის 103 ბავშვია.
