Leopard 2-ის რვავე ტანკი, რომლის გადაცემას კანადა უკრაინას დაჰპირდა, პოლონეთში ჩავიდა.
ამის შესახებ კანადის თავდაცვის მინისტრმა ანიტა ანანდმა Twitter-ის საკუთარ გვერდზე დაწერა.
„ოფიციალურად: Leopard 2-ის რვა საბრძოლო ტანკი, რომელსაც კანადა უკრაინას დაჰპირდა, პოლონეთში ჩავიდა“, – დაწერა მან.
თავდაცვის მინისტრი აღნიშნავს, რომ კანადა გააგრძელებს უკრაინის მხარდაჭერას და მიაწვდის „საშუალებებს, რომლებიც მათ სჭირდებათ საბრძოლველად და ომის მოსაგებად.“
უკრაინას ექვს Leopard 2A4-ს ესპანეთი გადასცემს. ტანკები უკრაინაში აპრილის ბოლომდე უნდა ჩავიდეს.
