იტალიის პოლიციამ $880 მილიონის ღირებულების 2,7 ტონა კოკაინი ამოიღო, რომელიც სომხეთში იგზავნებოდა და ის ჯერ საქართველოში, კერძოდ, ბათუმში უნდა ჩასულიყო.
კოკაინი კალაბრიის სამხრეთ რეგიონში, პორტ ჯოია ტაუროში, ბანანით დატვირთულ მაცივარ-კონტეინერებში იყო, რომლებიც ეკვადორიდან გამოიგზავნა. ამ რაიონში იტალიის პოლიცია დანაშაულებრივი ჯგუფის ნდრანგეტას გავლენას ებრძვის, რომელიც ერთ-ერთი ძლიერი დანაშაულებრივი სინდიკატია.
პოლიციამ განაცხადა, რომ ნარკოტიკებს სპეციალიზებული სკანერების გამოყენებით და ძაღლის – ჯოელის დახმარებით მიაგნეს.
პოლიციამ ასევე განაცხადა, რომ მათ ბოლო რამდენიმე დღეში კიდევ 600 კგ კოკაინი აღმოაჩინეს.
ბოლო წლებში სამხრეთ ამერიკიდან ევროპაში ათობით მილიარდი დოლარის ღირებულების კოკაინი არის გადაზიდული.
