ევროკავშირის სასამართლომ მიიღო გადაწყვეტილება, რომლის თანახმად, იტალიამ ნებისმიერი დამსვენებლისთვის უნდა გახსნას კერძო პლაჟები, რომელსაც კერძო კომპანიები მართავენ.
მიუხედავად იმისა, რომ იტალიის სანაპირო ზოლი სახელმწიფო საკუთრებაშია, პლაჟების მნიშვნელოვან ნაწილს კერძო კომპანიები მართავენ, რომლებსაც შეთანხმებები ადგილობრივ ხელისუფლებასთან აქვთ გაფორმებული. 2020 წელს იტალიელმა კანონმდებლებმა მათ ამ კონტრაქტების 2033 წლამდე გახანგრძლივების უფლება მისცეს.
ამის შემდეგ, იტალიის კონკურენციისა და ბაზრის მარეგულირებელმა ორგანომ (AGCM) სარჩელი შეიტანა პულიის რეგიონულ ადმინისტრაციულ სასამართლოში, კონტრაქტების გახანგრძლივების შესახებ გამოტანილი გადაწყვეტილების გაუქმების მოთხოვნით.
სასამართლომ დაადგინა, რომ ეს შეუთავსებელია ევროკავშირის დირექტივასთან, რომელიც ეხება შიდა ბაზარზე მომსახურების წესებს.
პლაჟები იტალიაში მწვავე პოლიტიკურ საკითხად იქცა, რამაც გასულ წელს კოალიციურ მთავრობაში დაპირისპირებაც გამოიწვია.
ახლა ამ საქმეზე საბოლოო გადაწყვეტილება რაიონულმა სასამართლომ უნდა მიიღოს.
