ირანის პრეზიდენტმა ებრაჰიმ რაისიმ გასულ კვირას, აღმოსავლეთ აზერბაიჯანში, თავრიზში ვიზიტისას 44-კილომეტრიანი ბოსტანაბად–ტაბრიზის სარკინიგზო მაგისტრალი გახსნა.
აღნიშნული ხაზი თეირანსა და თავრიზს შორის მგზავრობის დროს 12 საათიდან 4 საათამდე ამცირებს.
ახლი სარკინიგზო მონაკვეთი მიანე–ბოსტანაბად–ტაბრიზის სარკინიგზო მეგაპროექტის მეორე ეტაპს წარმოადგენს.
სადგური უნდა გახდეს მთავარი სატრანზიტო პუნქტი თურქეთის მიმართულებით.
მისი საშუალებით ირანს შეუძლია, პირველად დაუკავშირდეს ევროპას.
სარკინიგზო ქსელი აკავშირებს ირანს აზერბაიჯანის ნახიჩევანის, ერევნისა და თბილისის რკინიგზასთან და მიზნად ისახავს, გაზარდოს ვაჭრობის მოცულობა ისლამურ რესპუბლიკასა და აზერბაიჯანს, სომხეთსა და თურქეთს შორის.
საერთაშორისო ვაჭრობისთვის სარკინიგზო ქსელების დატვირთვა ბოლო წლებში იზრდება. აზიის ქვეყნები განსაკუთრებით დიდ ინვესტიციებს ახორციელებენ სატრანზიტო პროექტებში, რომლებიც მიზნად ისახავს ვაჭრობის ხარჯებისა და ტრანსპორტირების დროის შემცირებას.
2022 წლის ივნისში რაისიმ განაცხადა, რომ ირანს შეუძლია, გახდეს სატრანზიტო მარშრუტი, რომელიც აღმოსავლეთ და სამხრეთ აზიას ევროპასთან დააკავშირებს. მისი თქმით, ირანი არის იაფი და სწრაფი მარშრუტი აზიისა და ევროპის ქვეყნებისთვის და მისი მთავრობის ერთ-ერთი პრიორიტეტია სარკინიგზო კავშირის შემაფერხებელი ბარიერების მოხსნა.
ირანის პრეზიდენტმა აღნიშნული კომენტარი შარშან, ივნისში, პირველი ყაზახური სატრანზიტო მატარებლის თეირანში ჩასვლის შემდეგ გააკეთა, რომელიც ტვირთის თურქეთში გადაზიდვას ახორციელებდა.
