საქართველოს დამოკიდებულება რუსულ ენერგომატარებლებზე გაზრდილია. საქსტატის მონაცემებით, 2023 წლის იანვარში საქართველოს მიერ შესყიდული $82,3 მილიონის ღირებულების საწვავიდან, თითქმის 70% რუსეთზე მოდის. აღსანიშნავია, რომ 2022 წელს რუსეთზე ნავთობის იმპორტის 47% მოდიოდა.
რუსეთიდან იმპორტის მოცულობა შარშანაც გაზრდილი იყო. საქართველომ 2022 წელს რუსეთიდან 657 ათასი ტონა ნავთობი შეიძინა, რის სანაცვლოდ $623 მილიონი გადაიხადა.
2022 წლის იანვრის მონაცემებით, რუსეთი ნავთობპროდუქტების იმპორტში მეხუთე ადგილს იკავებდა რუმინეთის; ბულგარეთის; აზერბაიჯანისა და თურქმენეთის შემდეგ. ახლა კი პირველ პოზიციას იკავებს. სამაგიეროდ საწვავის იმპორტი შემცირებულია სხვა ქვეყნებიდან, განსაკუთრებით მკვეთრად – 88%-ით შემცირდა აზერბაიჯანიდან.
ნავთობის იმპორტი ქვეყნების მიხედვით:
1. რუსეთი – $56.7 მილიონი(+563%)
2. რუმინეთი – $11.7 მილიონი(-39%)
3. თურქმენეთი – $4.4 მილიონი(-69%)
4. საბერძნეთი – $2.5 მილიონი(+109%)
5. თურქეთი – $1.7 მილიონი(-43%)
6. აზერბაიჯანი – $1.4 მილიონი(-88%).
