თურქეთში ინფლაციის ოფიციალური მაჩვენებელი ივნისში 38,2%-მდე შემცირდა მაისში დაფიქსირებული 39,6%-დან.
დამოუკიდებელი ეკონომისტების მიერ გამოქვეყნებული ცალკეული კვლევა ეჭვქვეშ აყენებენ ოფიციალურ მონაცემებს. მათი შეფასებით, რეალური ინფლაცია ივნისის თვეში 108%-ზე მაღალი იყო.
პარალელურად უფასურდება თურქული ლირა. საპრეზიდენტო არჩევნების შემდეგ ლირამ დოლარის მიმართ ღირებულების 23%-ზე მეტი დაკარგა.
ინფლაციის ოფიციალური მაჩვენებელი იკლებს მას შემდეგ, რაც გასული წლის ოქტომბერში ოცწლიან მაქსიმუმს, 85%-ს მიაღწია.
მაგრამ ეკონომისტები თვლიან, რომ ინფლაცია მალე ისევ დაიწყებს ზრდას იმის გამო, რომ პრეზიდენტმა რეჯეფ თაიფ ერდოღანმა არჩევნების დიდი ხარჯების გაცემის დაპირება გასცა. ხოლო თურქული ლირა მომდევნო თვეებში გაუფასურდება.
„ინფლაცია სავარაუდოდ, ივლისში მოიმატებს და წელს 40-45%-ის დონეზე იქნება წინა წლის ანალოგიურ პერიოდთან შედარებით“, – მიიჩნევს ლიამ პიჩი, Capital Economics-ის ეკონომისტი.
