ცენტრალურ თურქეთში, კონიას პროვინციაში, ამოქმედდა ევროპის უდიდესი მზის ელექტროსადგური, რომლის სიმძლავრე 1350 მეგავატია.
მზის ელექტროსადგური, რომელსაც თურქული კომპანია Kalyon Energy 2020 წლიდან აშენებს, 20 მილიონი კვადრატული მეტრია და მისი მშენებლობა $1 მილიარდი დაჯდა.
სადგური შედგება 3,2 მილიონზე მეტი მზის პანელისგან, რომელიც წელიწადში 3 მილიონ კილოვატ/საათ ელექტროენერგიას გამოიმუშავებს, რაც 2 მილიონი ადამიანის ელექტროენერგიით უზრუნველყოფისთვის არის საკმარისი.
მზის ელექტროსადგური ყოველწლიურად $450 მილიონის საწვავის ეკვივალენტს დაზოგავს, ქვეყანას თავიდან ააცილებს წელიწადში 1,5 მილიონი ტონა ნახშირორჟანგის გამოყოფას და 20%-ით გაზრდის მზის ენერგიის წილს თურქეთის მთლიან ენერგოწარმოებაში.
ენერგეტიკის საერთაშორისო სააგენტო პროგნოზირებს, რომ თურქეთის განახლებადი ენერგიის სიმძლავრე მომდევნო ხუთი წლის განმავლობაში, დაახლოებით 64%-ით გაიზრდება და 90 გიგავატს მიაღწევს.
აქამდე ევროპაში ყველაზე დიდ მზის ელექტროსადგურად Iberdrola ითვლებოდა, რომელიც ესპანეთის სამხრეთ-დასავლეთში მდებარეობს. ის დაახლოებით 1,5 მილიონი მზის პანელისგან შედგება და ელექტროენერგიით 334 ათასზე მეტ სახლს ამარაგებს.
