თიბისი და საქართველოს ბანკი გადარიცხვის ტარიფებს ზრდიან

თიბისი ბანკი და საქართველოს ბანკი თანხის გადარიცხვის ტარიფებს 1-ელი მაისიდან აძვირებენ.

საქართველოს ბანკიდან სხვა ბანკის ანგარიშზე 1000 ლარამდე თანხის გადარიცხვისთვის ინტერნეტ- მობილბანკით (სტანდარტული)  ბანკის საკომისიო 1 ლარი გახდება. ხოლო აღნიშნული მომსახურების დაჩქარებული მიღება 2 ლარი ეღირება.

იცვლება საქართველოს ბანკის სისტემაში მესამე პირთან გადარიცხვის ტარიფი და ფილიალიდან შესრულებული გადარიცხვის ტარიფი ნებისმიერი ვალუტის შემთხვევაში იქნება 1 ლარი. ხოლო მობილბანკით და ინტერნეტბანკით შესრულებული ბანკის შიდა გადარიცხვები რჩება საკომისიოს გარეშე.

მომსახურების ტარიფებს ზრდის თიბისი ბანკიც.  

1-ელი მაისიდან, 1000 ლარამდე სხვა ბანკის ანგარიშზე გადარიცხვის საკომისიო, ინტერნეტბანკით და ფილიალიდან 0.2%-ის (მინ: 0.9 ₾) ნაცვლად, 1 ლარი იქნება. ხოლო 1 000 -10 000 ლარამდე თანხის გადარიცხვა 2 ლარი იქნება.