იაპონიის ქალაქ ჰიროსიმაში დიდი შვიდეულის (G7) სამიტზე რუსეთში ექსპორტის სრული აკრძალვის საკითხი აღარ განიხილება, – ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში ჯეიკ სალივანმა დღეს გამართულ ბრიფინგზე განაცხადა.
„არ ველოდები ექსპორტის სრულ აკრძალვას, რაც ადრე იგეგმებოდა. მთავარი ყურადღება დაეთმობა რუსეთის მიმართ სანქციებს და მათი თავიდან არიდების საკითხს“, – განაცხადა მან.
სალივანმა ასევე დასძინა, რომ G7-ის ქვეყნები განიხილავენ გაყინული რუსული აქტივების გამოყენების საკითხსაც.
როგორც ცნობილია, თეთრი სახლის ადმინისტრაცია G7-ის სამიტზე გეგმავდა რუსეთში ნებისმიერი საქონლის ექსპორტზე ემბარგოს დაწესებას. გამონაკლისი მხოლოდ მედიკამენტებზე, სასოფლო-სამეურნეო და ზოგიერთ სხვა პროდუქტზე იყო გათვალისწინებული. ამჯერად შესაძლებელი იქნება ყველა პროდუქტის ექსპორტი, რაზეც სანქციები არ არის დაწესებული.
Financial Times-ის ცნობით, აშშ-ის ინიციატივას ევროკავშირისა და იაპონიის წარმომადგენლები ეწინააღმდეგებოდნენ.
